咳吐

最憎自我介紹!!!
你又要我講
講你又唔聽
聽你又唔明
明你又唔理

咁講黎做乜?

今日如果

如果我有信心，我唔會衰到今時今日咁
如果我冇信心，我唔會今時今日都仲衰緊

如果我係第一，我唔會驚第二
如果我係第二，我唔只驚第一

如果我大膽啲，我可能贏得好多
如果我細瞻啲，我可能冇輸得咁多

如果我得咗，呢個會係一個開始
如果我衰左，呢個會係另一個開始

長命不一定開心，短命可能是個解脫

(星島日報 報道)廣告公司一名勤奮男設計師，為趕交廣告創作，連日來須通宵留在公司工作，疑因工作壓力過大，出現情緒不穩，昨日凌晨在公司內突感頭暈不適，由同事送往瑪麗醫院 急症室求診，惟等候辦理入院手續時，他突走出醫院至山邊，跳下十五米高山坡當場重傷，消防員將他救起送返醫院搶救，惜證實不治，警方調查後相信案件無可疑。

一名廣告公司設計師，疑未能承受連日通宵工作壓力，昨日凌晨在公司感到頭痛不適，送往瑪麗醫院求診時，突由平台跳落十五米高山坡斃命。死者姓李、二十八歲，在上環一家廣告設計公司任職。據悉，死者並無不良嗜好，與同事相處融洽，工作勤奮，深得上司讚賞。

工作勤奮上司賞識

李在廣告公司任職已有一段時間，經常工作至通宵達旦，近日李已連開多日通宵，曾向同事透露工作壓力大及辛苦。

事發在昨日凌晨三時許，李與其他同事繼續在公司工作期間，事主表示頭暈不適，情緒顯得低落，在場姓吳、三十歲同事擔心有意外，陪同李截乘的士前往薄扶林道瑪麗醫院急症室求診。

辦入院手續突失控

李經醫生檢查後須留醫治療，其同事於是替他辦理入院手續，而李則坐在凳上等候。

未幾，李突然情緒激動大叫一聲，即衝出醫院大樓，直奔S座對開的士站旁，再攀越一米圍欄一躍跳下，跌落十五米下的山坡渠邊，當場頭部重傷昏迷，同事尾隨追出，可惜未能阻止，連忙通知醫護人員及報警。

警方及消防員趕至，在山坡下救起事主，再送返急症室急救，惟證實不治，警員經調查後，相信事件未有可疑，列作自殺案處理。

據業界一廣告設計公司市場部主管胡小姐指出，「廣告人」要在短時間內完成大量創作及印刷工作，故工作壓力頗大，尤其在年近歲晚前的日子，客戶須更多的 宣傳活動時，就更為忙碌，「廣告人」通常加班至晚上十、十一點，如接近完工時，甚至會通宵工作，並留在公司睡覺，至翌日又再開工，變成見同事多過見家人。
**********

• 無間道
  • 「八大地獄之最，稱為無間地獄，為無間斷遭受大苦之意，故有此名。」——《涅盤經》第十九捲。
  • 佛曰：「受身無間者永遠不死，壽長乃無間地獄中之大劫。」

• 無間道２
  • 「阿者言無，鼻者名間，為無時間，為無空間，為無量受業報之界。」
  • 「無間有三，時無間，空無間，受苦無間。犯五逆罪者永墮此界，盡受終極之無間。」

• 無間道３：終極無間
  • 地藏菩薩本願經捲上：「如是等輩，當墮無間地獄，千萬億劫，以此連綿，求出無期。」

**********

首先說聲　奠
然後係好奇李先生生前是為哪間agency效力．．．
跟住諗下自己會唔會有咁既一日

最後自己作出既總結係：
我應該好長命
因為個天只會帶走大部份活於幸福中的人
留低那些苦命的人在世上繼續受折磨

2008

2007年
太多野想買，有既錢太少
太多野想做，有既膽太小
太多人喜歡，可愛既太少

2008年
不求特別好
但最少希望好過舊年
唔需要樣樣多好多
只係想每樣多番少少

Happy New Year~

Merry Christmas

人會變月會圓
三歲定八十
同自己講過下年要點改，下年要點變，下年要點過
結果每年都係差唔多
之後又係下年要點改，下年要點變，下年要點過

無論將來點都好
將來自然會知道


祝各位聖誕快樂

每逢佳節倍思春 之 數8聲後0翕

有一門學說，認為靚女係單身既機會可能比平凡女高：

因為Ｄ男人認為咁靚既女一定有男友，
又或者一定有好多男人追，冇安全感，所以實情係冇人敢去馬；

又或者根據虛恭定律第唔知幾多條（見註＊），
因為靚女有好多俾高質仔、有錢仔追既經驗，知道佢地受其他誘惑而變心既機會比普通仔高，
所以未必會受，或者搵『真愛』時都會揀番普通人云云．．．

總括以上學派所言，簡單黎講即係：
『呀男人，就算你自知自己好普通、唔係好有米、甚至好唔掂都好，
只要你真心鍾意，只要你敢試下去馬，可能會有意外收穫都未定架！』

做人做耐左，個人對以上學說有另一番體驗：
『Ｄ男人好蠢架咋，講幾句野氹下班傻仔壯下佢地膽，
咁我地咪又多幾個觀音兵使囉～真係要搵個人過人世，咪傻啦，發夢冇咁早，
就算第時離婚都冇多個錢分呀；貪你夠真心呀？全世界都男人都貪新忘舊架啦，
當你真係俾晒Ｄ時間俾晒你Ｄ錢我又點？我老左你老左果時食蕉咩？．．．（下刪數億字）』


『朋友，你唔係信下話？信既都傻架啦！』

『朋友，你唔係聽我講下話？我傻架喎！』




註＊
虛恭定律第唔知幾多條：
世上冇專一既好男人，只有冇誘惑去引誘佢既無魅力男人

寫作齊人

話說有兩位朋友

一位叫亞Feel，一位叫亞行

其實我識左亞行好耐，但係一路都好少聯絡

可能係因為大家太熟，唔使點溝通彼此都十分了解

一係唔見，要見面時大家都會好smooth，一拍即合

但係亞Feel就唔同

佢好忙，好難叫到佢出黎，但係一齊時既感覺係非常正

有一段時間難得相處左好耐

自以為大家感情好左，會變成一對，隨傳隨到

但原來一如其他人所講

亞Feel佢真係好小氣，妒忌心非常重

近來因工作關係同亞行接觸密左

可能係因為呢個原因，最近搵極都搵唔到亞Feel，好似避開我咁

我當然喜歡，甚至應該係愛同亞Feel一齊

但係要做野又有乜辦法？

兩個對我都咁重要，決一不可

今後我會嘗試同兩個人之間拎番個平衡

希望遲Ｄ亞Feel會理番我啦

亞行

I NEED YOU

亞Feel

I LOVE YOU

生字

淬煉砥礪


音：翠練底厲


解：淬煉乃燒紅了的鐵枝放入水中之解；

砥礪乃以磨石磨鍊鋒刀

意解刻苦修行，努力鍛鍊





爰泐貞珉叺紀其盛（見圖）


音：元勒精民以紀其盛


解：於是銘刻於這像美玉的堅石上以紀錄其盛況


註：好多牌匾都係有呢幾句野...應該逢親有刻石留名既，

都係呢個”爰泐貞珉”做膽，

拖”以垂不朽””以紀其盛””籍垂久遠” 等等...

音樂椅

以下是維基百科對"音樂椅"這個遊戲的解釋

音樂椅，香港人稱為爭凳仔，是集體遊戲的一種。玩法是在地上放置比參與者少一張的椅子。音樂響起後參與者在椅子旁繞圈，然後音樂突然停止。參與者要盡快坐到椅子上。最遲得不到座位者淘汰出局。之後減少一張椅子，繼續遊戲，至得出勝利者為止。
音樂椅遊戲最常見為小孩子參加。有時亦用來比喻眾人各出奇謀，相爭有限的席位。
在數學上，抽屜原理說明了總有一個人得不到座位。

http://zh.wikipedia.org/wiki/%E9%9F%B3%E6%A8%82%E6%A4%85

遊戲中，每一個回合都有參加者被踢出局

因為他不能在音樂暫停的一刻找到可以坐下的位置

位置就是既定了的數目，人就一定比可坐低的位置多

坐低了的人未必是玩得投入的一群

站著的人亦不一定因為單純的比別人慢

你要知道

當一件事涉及兩個或以上的參加者的時候

問題就不會只是個人的問題那麼簡單

音樂會再度響起

眾人會繼續爭奪餘下的坐位

只要你還未被取消資格

你都有機會是坐在最後一張椅子上的那個

大話

世上無100%騙得人的大話

要大話的真確性更高

需要更多的大話去支持

99%的可能要另外99個甚至更多的大話去掩飾

唔識做唔代表唔會做

唔識講大話同唔會講大話是兩碼子的事