如果同女朋友出街，見到街上有靚女索女時望唔望？男性望之餘個心仲諗緊乜？

小時候，老師教你過馬路要望好交通燈；大個了，媽媽教你在社會上要帶眼識人。從來沒有人教過你，在街上看到靚的東西要多望兩眼，但人就是會自自然然將眼睛的焦點放在一些美麗、突出的東西上，因為這是天性。

小朋友雖然不懂性，但男仔見到女仔著了條公主花裙，也會很雀躍地大跳大叫引她注意。女孩子見到心意的男性，儘管不是思春發姣，也會不自覺地撥撥頭髮、含笑低頭、面紅耳赤。

男朋友因為女朋友望靚仔而吃醋的比較少，女朋友因為男朋友望靚女而發神經的比較多，這是不爭的事實。女仔望男仔的時候通常有兩個反應，一個是含蓄形，就是怕怕羞羞，鵪鶉的樣子；另一種是發癲形，就是捉住你隻手興奮大嗌大跳，好像瘋狂粉絲見到自己的偶像一樣「好靚仔呀～」。男的「望」也有兩個反應，第一也是含蓄形，但就會被人說成是閃閃縮縮的，做了虧心事似的猥瑣佬；另一種是光明正大形，但就會說成是人中之狼，目中無人（他女友），唔尊重女性（包括被望的那個和身邊的那個）等等，即是解決方法只能插盲自己雙眼，唔係就一定死硬。

但上面也已經說過了，「望」這個行為是天性，是本能反應，男的會望，女的也會望，並無不妥。除非你刻意控制自己，但這樣做又何必呢？又其實不一定是看見索、靚、正的異性才會令人駐足眼望望的，外形／造型「突出」的奇形怪狀生物同樣會惹人注目。不要說甚麼高矮肥瘦還是凹凹凸凸，靚正索爆還是騎呢樣衰這些非客觀元素，在香港社會，即使是有個西人行過，都會引來一定程度眼睛的視線敬禮。問題就是，當這種「望」不會給女朋友責怪，更大機會是望埋一份，再和你一起竊竊私語，為甚麼呢？

從以上的推斷，可以說成「不是不給你望女仔，但是不給你望比我靚比我索的女仔」。OK！儘管這是個很可笑的規條，但男朋友都選擇了欣然接受。但再一個問題出現了，如何才是比你靚比你索？如果我像魔鏡般對你說你是世界上最美麗的人，那我就可以望任何女仔嗎？我想如果你真的這樣問，你最後就會被巫婆落毒給毒死了罷。