成功口訣

識人好過識字

吹牛堅過寫詩

擦鞋叻過踏實

四正掂過核凸

口訣有好多，講就容乜易

但係個人冇資質，點練都難成事

每樣”技巧”都有佢既學問

除左肯做肯學，有時重要講天份

金錢與理想

一個打工仔對一份工的要求

不外符兩種因素：錢 和 理想

如果一個人有１０個酬碼

理想與金錢的比例

１０：０　就是義工

０：１０　就只在乎金錢

當然，這兩種人都只是少數

大部份人都會就不同原因去為自己的作分配

”為理想，薪水低一點也無妨，６：４或７：３吧”

”沒有甚麼大抱負，那裡高薪就去那裡，反正都是一份工，起碼也３：７甚至１：９”

問題是

你１０個酬碼的面額又會否與其他人不同？

你手頭上的到底值多少，究竟你是否了解？

你認為的又是否得到其他人認同？

最現實的問題是

當你可能還考慮著如何將你的１０個分配上那天秤時

天秤的主人已經告訴你：”你最多只可放５個”

.

.

.

.

金錢與理想

都不是你想就想

近況

上黎一望

原來都有成個幾兩個月冇寫過自己野

再諗番轉頭，又真係冇乜野好寫．．．

曾經覺得呢度怨氣太大

話題唔係自怨自艾，就係怨天尤人

有考慮過改變一下

希望可以積極、正面番少少

但事實係

風格呢樣野，絕對係由經歷演變出黎既

一般情況下，好難有動力，亦都冇必要會叫自己夾硬去扮

工作、生活上要我去”裝扮”一下

我毫無怨言，甚至覺得理所當然

你點唔高興，都冇理由要外人受埋一份掛

但係，如果一個人對住電腦寫BLOG都要扮野既話．．．咁未免太悲哀喇

比起我上來打下飛機呻呻呻重要可憐

所以，一係個幾月唔寫

一寫．．．結果都係果ｄ野

唉，算吧啦

上黎自己地方就無謂計算咁多

呃到人，都呃唔到自己

好，講番近況

最近有一個機會出現

可惜自己把握不到，但卻又在能力上得到某程度的肯定

死線一條一條咁迫近，個人就一路一路未肯死心

兩頭唔到岸，頓時迷失了

博我依然會繼續博

始終呢條我唯一想行／認為可以行既路

將來既事冇人知

我可能會係成功人士，亦都可能係量地乞兒

今日唔知聽日事

緣督以為經